وصية / بقلم / سمية نور الدين
وصية
أبويا وصانى وقال ليا
حافظ ع الدار ولاتفرط فيها
كبرها يا ابنى وسعها وعليها
وإبنى جدرانها ب الحب والحنيا
وأرضها ب اللون الأخضر لونها
وب الميه إغسل ألامها وأوجاعها
تلاقى الخير ف الدار
وضحك ولعب الأطفال
علمهم حب الأذكار
وإصنع مسجد ف الدار
قولهم الوحدة ياشطار
عمرها م تكسر الأوطان
علمهم معنى الوطنية
والعلم معنى الحرية
والقوة والوحدة الوطنية
علمهم الأرض عرض
والعمل عبادة وريادة
وإسمك ف الصفوف الأمامية
علمهم العلم أساس النهضهة
من غيره الحياة فوضة
ومكانك ف الصفوف الخلفية
قولهم العدل ميزان الملك
من غيره الحياة ضنك
وتسود الفوضة والغلب
وينتشر الفقر والرعب
ويموت وياها الحب
ومايبقى غير دود الأرض
وذئاب تعوى تنهش العرض
ودارك معروضة ف مزاد الخزى
ياولدى الدار عنوانك
أنا بنيتها وأجدادى عشانك
رويتها ب الروح و الدم الغالى
نقشت عليها تاريخى وعنوانى
وكفاح واسم فى السما يلالى
من غير دارك م تسواش
تصغر ولاتكبر وتعايرك الناس
دارك...ياولدى ثم دارك
الملك لله وحده والدنيا زايلة
إحنا من طين وإليها راجعين
وعملك ودارك هما إللى باقيين
ف إرفع علمك ولاتنكسهوش
ياروح م بعدك روح
ريحة الجنة من جسدك تفوح
والملايكة تغنيلك على جناحيها تشيلك
ورسولك يتباهى بإيمانك ويسعد
بوجودك
بقلمى /سمية نور الدين
تعليقات
إرسال تعليق