إيه رأيك / بقلم / على أبو السعود
إيه رأيك
بعهدك إنت ياعمرى
على عهدي أنا باقية
لو الدنيا ما تجمعنا
ح أختارك حبيبي فى الأخرة
وشاهد ربى على كلامى
وأنفاسى كمان شاهدة
وإيه رأيك ودلوقتى بقينا بعاد
وإخترتى تكونى على البعاد شاهدة
وسهل نسيتى كل عهودك
وحتى نسيتى كمان همسة
نسيتى كل أحلامنا
وروحتى بعيد وسبتيها على سهوة
وصدقتى كلام إتقال
ولا فكرتى مين قال
وليه بيقول وإشمعنه
وهما دول
وهما دول إللي قولتي لي
ولا يهمك سيبك منهم
أنا عارفة كتير عنهم
وفى الأخر أديكى معاهم
ولا فكرة
شعر
على أبو السعود
تعليقات
إرسال تعليق