دايما علينا رؤوف / بقلم / شاذلي محمد عبدالرحمن حسين
دايما علينا رؤوف
دايس علينا الزمن . رافع شعار الخوف
معقول ياعم الزمن . بالذمة مش مكسوف
تكسر في سور الأمل . وتلف بيه وتطوف
حملك تقيل وعيونا . معمية مش بتشوف
بنعوم في بحر الهم . والشط فيه محدوف
ورفعت ضغط الدم . والوش بقى مخطوف
كل الكلام غامق. مش لاقي حتى حروف
وقلمنا مش قادر . والحبر فيه مخسوف
ممكن بطيب خاطر . تعمل فينا معروف
تنسى الآلام مرة . نفرح بأي ظروف
سمعني صوت الضحك . والله ليه ملهوف
وإياك تكون فاكر . مهما وقفنا صفوف
إن الزمن شاطر . قافل علينا كهوف
حكم القدر عادل . والكل فيه منصوف
رب العباد غافر . دايما علينا رؤوف
من ديوان ( خارج عن المألوف )
شادوليات
شاذلي محمد عبدالرحمن حسين
تعليقات
إرسال تعليق