موجة غلاء / بقلم / مصطفى محمد الهنداوي
موجة غلاء
**********
موجة غلاء يا فقير
وتعبت من التفكير
العيشة صبحت نار
أعلنت صيام اليوم
من الحاجة للتوفير
الله يكون في العون
بجد الأمر خطير
رجال أعمال كبار
وطمعكم يا تجار
خليتوا حياتنا مرار
بلاش جشع يا عم
زودتوا علينا الهم
ورفع في الأسعار
العدس أكل البيه
وبيضة بخمسة جنيه
والغلب في الدولار
اتقشف يا مسكين
هتروح تشكي لمين
والصحة في انهيار
فقير في رعب وخاف
دا قحط ولا جفاف
مالاقي العيش الحاف
وزماني علي جار
يرحم ايام زمان
والبر والإحسان
وسد جوع الجار
شبعان سعيد فرحان
ولا شاعر بجوعان
وفقير علينا هان
في لقمة كدا محتار
ونصيحة يا إنسان
في الحب كل أمان
للخير في أي مكان
والجنة مع الأبرار
دا وعد من الرحمن
يتكون جالب مرزوق
يا اللعنة مع الفجار
مصطفى محمد الهنداوي
٢٥ ديسمبر ٢٠٢٢
تعليقات
إرسال تعليق