حلمك على أدك / بقلم / على أبو السعود
حلمك على أدك
تقهر بحلمك ظلم
واقف بيخطف عمر
كل إللى يحلم حلم
نفسه يعيش جواه
نفسي أطير فيكي
نفسي أعيش حر
نفسي أغنيكي
نفسي أودع مر
مره الحياه فيكي
لا بيمشى ولا بيمر
نفسي أكون إنسان
مره أكون إنسان
ماشى فى حواريكي
أرقص ألعب أحكي
أحضن
كل إللى عاش فيكي
نفسى ما أخاف فيكي
نفسي ما أخاف منك
نفسي أعيش فيكي
بس أعيش إنسان
نفسي أكون إنسان
عايش أنا فيكي
شعر
على أبو السعود
تعليقات
إرسال تعليق