دقات قلم / بقلم / صبري رسلان
دقات قلم
............
كام مرة يحلف جاي
قلبه طلع نساي
لا أشتاق وداق
ومالوش في جو الناي
يحكي لي ياما إنكوى
ولا حن قلبه ومال
يرسمني قمره فى سما
ولا ليله بات سهران
عطشان بيوصف دوا
وبحور هناه أشعار
ورد وشموع ليل دوا
كله طلع أوهام
أوهام يا روميو الهوى
ع الورقة حبر وصال
أتلف حروفها الهواء
كراريس بقت ألوان
لياليك بتنبض وحدة
ولا قولت آه فى موال
جواك لا حسيت زمن
والشيب عليك أهو بان
أحلام كتبها القلم
وغرقت فى الأوهام
بانت حقيقتك ألم
عايش ولا الأفلام
تحزن ليالي الفرح
تفرح مع الأحزان
أحاسيس تبان ع الورق
جواك رماد بركان
بقلم .. صبري رسلان
تعليقات
إرسال تعليق