زينة وبلالين / بقلم / وائل سعيد ضحا
زينة وبلالين وحيطان واقعين
عامل بلياتشو والقلب حزين
شايل أنقاضى على وضعى الماضى
أنقاضى دى كانت جدران زينه وماليها الزينة
حضنها دفانى وآوانى وساعدها قوّانى وصلبنى
سكانها سابوها لوحديها وانا مش اسيبها
ماهو مش أصل ترد الأصل بقلة أصل
تبيعها تهج أو بايديك فيها تهد
يشوفونى يقولوا اكيد فيه فايده عايده عليك
من دى القعدة
طيب معلش
هفضل شايل انقاضى وراسم على بابها الضحكة
واقعد وياها واسمع حكاويها فى السهرة
زينة وبلالين وحيطان واقعين
عامل بلياتشو والقلب حزين
كلماتى/ وائل سعيد ضحا
تعليقات
إرسال تعليق