دنيا / بقلم / ليالي أحمد الأسعد
دنيا
---------
الدنيا زي روح حزينه
ساكنه في قلوب البشر
خلت ملامح وشهم
تشبه ضحكه ماتت
م الوجع ومن الحنين
تشبه ملامح بنت
عايشه في الأنين
الدنيا دي مش طيبه
ولا فيها ريحه الطيبين
الدنيا دي انسان حزين
مخنوق وروحه ملخبطه
عايش أسير وحياته
برضو مخبطه
الدنيا دي تشبه وطن
محتل من كل العدا
باين بيضحك بس حابس
جوه منه هموم كتير
الدنيا دي تشبه لطير
محكوم عليه.. يفضل أسير
--------------------
ليالي أحمد الأسعد
تعليقات
إرسال تعليق