من غير زعل / بقلم الشاعرة / وفاء منصور
من غير زعل من غير خصام
حبيت عيونك والسلام
حبيت معاها طيبة قلبك
ونظرة بتقولي احلى الكلام
ومن غير زعل من غير خصام
بتنده على عمري باحلى سنين
وعنيا معاه و الهوى سهرانين
على نغمة شوق بتصحي الليل
ياعيون سهرانة تعالي ويايا
ده احنا ياناس للهوى عاشقين
ونجوم بتغير من حب قلوبنا
دايبة في سما قلوب مشتاقين
وقلبي معاه عايش احلام
من غير زعل من غير خصام
شايف قلبي معاك مفتاحه
والشوق لك خبط على بابه
فتحله قلبي وقال يا احبابه
اهلا بيكم ياعيون عشاقه
يا اغلى الناس ياشمس صباحه
مال الحمام على طرف جناحه
بيرفرف ويحكي لهوانا افراحه
وشوق جامح بيصرخ بحبك
تسمعها مع دقة قلب شبابه
وعيون الليل صاحية مابتنام
من غير زعل من غير خصام
بقلمي /وفاء منصور
تعليقات
إرسال تعليق