لسه فاكر / شعر / الهام شحاتة
لسه فاكر
شعر
الهام شحاتة
ياتره ياحبيبى فاكر
اللى بيتا دا كله
مستحيل تنساه تأسى
لما كات عينك ف عينى
وبنض قلبك بتنادينى
والأدين بتدوب بلمسه
بعد كل ده تقول هاتنسى
ياتره ياحبيبى فاكر
ولا مصدقت تنسى
أنت فاكر لما كان
بنا زمان
حب و حنان
كنت بتقولى ياروحى
معاكى بشعر بالأمان
كنت بتغير م الهوا
لو عدى بينا
ياتره ياحبيبى فاكر
ولا مصدقت تنسى
كنت بتقول اخطفك
ونعيش فى جنه
ارضيها ياسمين وحنه
مافيهاش حد غيرنا
كنا بندوب بلمسه
مش دا كله كان كلامك
كنت بتقوله فى غرامك
راح خلاص وقدرت تنسى
ياتره ياحبيبى فاكر
ولا مصدقت تنسى
كنت بتبص ف عنيه
بالحنان تمسك ايديه
تقولى حبك ده جنون
حتى غيرتك كات شقيه
لو فى يوم هفهف عليه
ايشاربى والطرحه الشيفون
تقول ياروحى
لمسو شعرك
ولا شفافيك
فوق خدودك والجفون
غيره كات من اى نسمه
ياترى ياحبيبى فاكر
وللا برده قدرت تنسى
مش كنا اتعاهدنا ياحبيبى
ان مافى حد منا يوم يخون
عشره مش ممكن تهون
الا على انسان محبش
حب كان فاق الجنون
ياحبيبى فين عهودنا
اللى كانت من قلوبنا
من شبابنا
ليه كده ترضى بعذبنا
ولا عذابى مش عذابك
اصلك أنت قدرت تنسى
أما أنا ربنا يكون فى عونى
ويساعدنى اقدر انسى
ياتره ياحبيبى فاكر
ولا مصدقت تنسى
ــــــــــــــــــــــــــــــــ
شعر
الهام شحاتة
من ديوان (مجروحه )
ـــــــــــــــــــــــــــــــــــــــــــــــــــــــــــــــــــــ
تعليقات
إرسال تعليق