يا اللى قاعد / بقلم / على أبو السعود
يا اللى قاعد على الكراسى
أه يا راسى
خد ماهيتي
بس قولي إزاى أعيش
صعبة خالص الحياة
من دون رغيف
يا إللى قاعد على الكراسى
نفسي تنزل على الرصيف
نفسى تاكل من الزبالة
نفسي تنام مش نضيف
نفسي تتمنى ما تصحى
علشان العيال عايزه تفطر
وأنت جيبك بات نضيف
نفسي تلبس
مرة جزمة مش مقاسك
نفسي مرة تمشى على راسك
ياللى قاعد على الكراسى
أه ياراسي
خد مقاسي وهات مقاسك
نفسي أعيش
نفسي أكل رغيف نضيف
نفسي فى شوية طراوة
نفسي أعيش
ولا تيجي تعيش معايه
على الرصيف
شعر
على أبو السعود
تعليقات
إرسال تعليق